გაკვეთილის გეგმა

მასწავლებელი	ნუნუ მენთეშაშვილი
საგანი	საქართველოს გეოგრაფია
კლასი	საბაზო, IX კლასი
გაკვეთილის მთავარი თემა	საქართველოს ტერიტორიულ-ადმინისტრაციული მოწყობა
მოსწავლეთა პროფილი	30 მოსწავლე განსაკუთრებული მიდგომების საჭიროების მქონე მოსწავლეები (შეზღუდული შესაძლებლობის,სასწავლო პროგრამაში ჩამორჩენილი ბავშვები,რომლებისთვისაც სწავლების ჩვეულებრივი ტემპი მიუღებელია) კლასში არ არის.
გაკვეთილის მნიშვნელობა/აქტუალობა	მოსწავლეებს შეექმნებათ წარმოდგენა საქართველოს ტერიტორიულ-ადმინისტრაციული მოწყობის შესახებ; რუკების და სხვა გეოგრაფიული საშუალებების გამოყენება, გაანალიზება, ინტერპრეტაცია.
გაკვეთილის მიზნები და შედეგები	გეო IX.1    მოსწავლეს შეუძლია რუკების და სხვა თვალსაჩინოებების (ფოტოები,გრაფიკები,ცხრილები,დიაგრამები და სხვა) დამარებით დაახასიათოს ადგილი,მოვლენა და პროცესი; შეადგინოს თემატური რუკები.
საჭირო წინარე ცოდნა და უნარ-ჩვევები	მოსწავლეს შეუძლია რუკის კითხვა, კონტურულ რუკაზე მუშაობა, მოძიებული ინფორმაციის დახარისხება და ტრანსფორმაცია, ცხრილების და დიაგრამების შედგენა.
შეფასება და თვითშეფასება	განმსაზღვრელი (დანართი 1) და განმავითარებელი (მასწავლებლის ზეპირი კომენტარი ჯგუფური მუშაობის პროცესში).
სასწავლო მასალა და რესურსები	სახელმძღვანელო, საქართველოს ტერიტორიულ-ადმინისტრაციული დაყოფის რუკა, საქართველოს ისტორიულ-გეოგრაფიული პროვინციების რუკა, კონტურული რუკა, ფურცლები, კალამი, ფერადი ფანქრები, სახაზავი, საშლელი, დაფა, ცარცი. ინტერნეტი
აქტივობა I	გონებრივი იერიში დრო - 5-7 წთ. ორგანიზების ფორმა - მთელი კლასი
აქტივობის აღწერა	მასწავლებელი მოსწავლეებს სთხოვს, გაიხსენონ რა იციან საქართველოს ისტორიული კუთხეების შესახებ. რომელ მხარეში (კუთხეში) ისურვებდნენ დასვენებას. სავარაუდო პასუხები ფიქსირდება დაფაზე.
აქტივობა II	მუშაობა ტექსტსა და თვალსაჩინოებაზე დრო - 20 წთ ორგანიზების ფორმა - ჯგუფური
აქტივობის აღწერა	კლასი იყოფა ჯგუფებად. ყველა ჯგუფი ეცნობა ტექსტს. თითოეულ ჯგუფს ეძლევა დავალება. პირველი ჯგუფი - შეადარონ ტერიტორიულ-ადმინისტრაციული ერთეულებისა და ისტორიულ-გეოგრაფიული პროვინციების საზღვრები, დაადგინონ მსგავსება-განსხვავება, მოპოვებული ინფორმაციით შექმნან ვენის დიაგრამა. მეორე ჯგუფი - ამუშავებს ინფორმაციას სამხარეო ერთეულის ფართობებსა და მოსახლეობის რაოდენობაზე. მოძიებული ინფორმაციის საფუძველზე აგებენ სვეტოვან დიაგრამას. მესამე ჯგუფი - გამოყოფს  მოსახლეობითა და ფართობით სამ უდიდეს და სამ უმცირეს მხარეს, ადგენს ცხრილს, ქმნის კონტურულ რუკას. მეოთხე ჯგუფი - ეცნობა საქართველოს მხარეებისა და ისტორიულ-გეოგრაფიული პროვინციის რუკებს და შესაბამისად ქმნის კონტურულ რუკებს. მეხუთე ჯგუფი - რუკის მიხედვით მოიძიებს ინფორმაციას საქართველოს ტერიტორიაზე  არსებული არქეოლოგიური აღმოჩენების, ციხეკოშკების, ციხესიმაგრეების, კლდეში ნაკვეთი ქალაქების შესახებ. ინფორმაციას შეუსაბამებს საქართველოს სამხარეო ერთეულებს და შექმნის ცხრილს.
აქტივობა III	პრეზენტაცია დრო - 15 წთ ორგანიზების ფორმა - ჯგუფური
აქტივობის აღწერა _________________________  საშინაო დავალება	თითოეული ჯგუფის ერთი მონაწილე კლასის წინაშე წარმოადგენს ჯგუფის ნამუშევარს. _____________________________________________________   3-5 წთ.მოიძიონ ინფორმაცია საკუთარი მხარის შესახებ.  განსაზღვრონ მისი ადგილი საქართველოს მხარეებს შორის ფართობისა და მოსახლეობის რაოდენობის მიხედვით.